பாகிஸ்தானில் நிலவி வரும் மோசமான காற்றின் தரத்தால் பொது மக்களுக்கு ஆபத்து...!!!
பாகிஸ்தானின் இரண்டாவது பெரிய நகரமான லாகூரில் மோசமான காற்றின் தரம் நிலவி வருவதன் காரணமாக ஆரம்பப் பள்ளிகள் ஒரு வாரத்திற்கு மூடப்படும் என்று அரசாங்கம் தெரிவித்துள்ளது.
மோசமான காற்று மாசுபாட்டிலிருந்து குழந்தைகளைப் பாதுகாக்க இந்த நடவடிக்கை எடுக்கப்பட்டுள்ளது.
மக்கள் தொகை 14 மில்லியன் இருக்கும் நகரத்தில் காற்றின் தரம் பல நாட்களாக மோசமாக உள்ளது.
காற்று மாசுக் குறியீடு 300க்கு மேல் இருப்பது ஆபத்தைக் குறிக்கிறது.
லாகூரில் சனிக்கிழமை (2 நவம்பர்) குறியீட்டு எண் 1,000 ஐ எட்டியதாக IQAir தரவு காட்டுகிறது.
மோசமான காற்றின் தரம் நீடிக்கும் பட்சத்தில் பொதுமக்கள் மூச்சுத் திணறல்,சுவாச கோளாறு உள்ளிட்ட நோய்வாய்ப்பட வாய்ப்பு உண்டு.
எனவே பொதுமக்கள் அனைவரும்
முகக்கவசம் அணியுமாறு அறிவுறுத்தப்பட்டுள்ளது.
வானிலை முன்னறிவிப்பு அடுத்த 6 நாட்களுக்கு காற்றின் தரத்தில் எந்த மாற்றமும் இல்லை என காட்டுகிறது.
எனவே தொடக்கப் பள்ளிகளை மூட அரசு முடிவு செய்துள்ளதாக அறிவித்துள்ளது.
வரும் சனிக்கிழமை (நவம்பர் 10) வரை பள்ளி இயங்காது என அறிவித்தது.
மேலும் இந்த திட்டம் குறித்து மறுபரிசீலனை செய்யப்படும் என தெரிவிக்கப்பட்டது.
பாகிஸ்தான் அரசாங்கம் பள்ளிகளில் மாணவர்கள் கட்டாய
முகக்கவசம் அணியுமாறு வலியுறுத்துகிறது.