ஹீத்ரோ விமான நிலையம் மூடல்!! விசாரணைக்கு உத்தரவு!!

லண்டனின் ஹீத்ரோ விமான நிலையம் மின்தடை காரணமாக மூடப்பட்டது. விமான நிலையம் மூடப்படாமல் தொடர்ந்து செயல்பட்டு இருக்கலாம் என்று பொதுப்பயனீட்டு நிறுவனமான National Grid- இன் தலைவர் கூறியுள்ளார்.

விமான நிலையத்தில் போதுமான அளவு மின்சார விநியோகம் இருந்ததை அவர் சுட்டிக் காட்டினார்.

நார்த் ஹைட் துணை மின்நிலையத்தில் தீ விபத்து ஏற்பட்டதால் விமான நிலையத்தில் மின்தடை ஏற்பட்டு விமான நிலையம் முழுமையாக மூடப்பட்டு விமானச் சேவைகள் ரத்து செய்யப்பட்டன.

ஆனால் ஹீத்ரோ விமான நிலையத்திற்கு மின்சாரம் வழங்கும் மேலும் 2 துணை மின்நிலையங்களில் எந்த தடங்கலும் ஏற்படவில்லை என்று National Grid- நிறுவனத்தின் தலைவர் கூறினார்.

விமான நிலையத்திற்கு தேவையான மின்சாரத்தை அந்த இரண்டு துணை மின் நிலையங்களால் வழங்க முடியும் என்றார்.