சீனப் புத்தாண்டு விடுமுறை..!!பொது மக்களுக்காக திறந்திருக்கும் 1135 மருந்தகங்கள்..!!

சிங்கப்பூர்:சிங்கப்பூரில் சீனப் புத்தாண்டு விடுமுறையின் போது 1,115 மருந்தகங்கள் திறக்கப்படும் என தெரிவிக்கப்பட்டுள்ளது.

மருந்தகங்கள் இன்று( ஜனவரி 28) முதல் இம்மாதம் 30ஆம் தேதி வரை வெவ்வேறு நேரங்களில் செயல்படும் என்று சுகாதாரத்துறை அமைச்சகம் தெரிவித்துள்ளது.

பொதுமக்கள் அருகில் உள்ள மருந்தகங்களின் விவரங்களுக்கு சுகாதார அமைச்சகத்தின் GPGoWhere இணையதளத்தை (go.gov.sg/gpgowhere) பார்வையிடலாம்.

மேலும் மருந்தகத்திற்குச் செல்வதற்கு முன் தொலைபேசி வழி தொடர்பு கொள்ளுமாறு அமைச்சகம் கூறியுள்ளது.

அவசரமில்லாத மருத்துவ பிரச்சனைகளுக்கு அவர்கள் தங்கள் மருத்துவர் அல்லது 24 மணி நேர மருந்தகங்களை அணுகுமாறு அறிவுறுத்தப்பட்டனர்.

அவசர மருத்துவ உதவி தேவைப்படுபவர்கள் மருத்துவமனையின் அவசர சிகிச்சைப் பிரிவை நாடுமாறு கூறப்பட்டது.