திருமணத்திற்கு தயாராகும் மணப்பெண்ணை ஜொலிக்க வைக்கும் டிப்ஸ்…!!!

திருமணம் என்றாலே சொர்க்கத்தில் நிச்சயிக்கப்படுவது என்று சொல்வார்கள்.. ஒவ்வொருவரும் தனது திருமணம் குறித்த கனவுகளை பட்டியலிட்டு வைத்திருப்பார்கள். அதில் குறிப்பாக பெண்களைச் சொல்ல வேண்டுமென்றால் அவர்களின் ஆசை நீண்டு கொண்டே போகும்.. புடவை,நகை,அலங்காரம் மற்றும் தற்போது ட்ரெண்டிங்கில் இருக்கும் கேண்டிட் போட்டோகிராபி முதல் அனைத்தும் இப்படித்தான் இருக்க வேண்டும் என்று மணமகனிடம் முன்பே சொல்லி வைத்து விடுகிறார்கள்…

அப்படி தன் ஆசைகளை நிறைவேற்றும் வருங்கால கணவருக்காக மனைவி சமைப்பது முதல் குடும்ப பொறுப்புகளை எவ்வாறு கவனிக்க வேண்டும் என்பதை பொறுப்பாக கவனிக்க தொடங்குகிறாள்..

இப்படி திருமணத்திற்கு தயாராகும் மணப்பெண்கள் தங்களது கூந்தல் மற்றும் சருமத்திற்கு எவ்வாறு மெனக்கெட வேண்டும் என்பதை பார்க்கலாம்…

வீட்டில் செய்ய வேண்டியது என்ன…

🧚‍♀️ திருமணத் தேதி நிச்சயக்கப்பட்ட நாளிலிருந்து தினமும் தலைக்கு எண்ணெய் தேய்த்து குளித்து உடலை சூடு பிடிக்காமல் பார்த்துக் கொள்ளவும். அப்போது தான் கூந்தலும் சருமமும் வறண்டு போகாமல் இருக்கும்.

🧚‍♀️ எண்ணெய் தேய்க்க பிடிக்காதவர்கள் ஹேர் சீரம் உபயோகிக்கலாம். இதில் வறண்ட கூந்தலை சரி செய்யும் சீரம், முடி வளர்ச்சியை தூண்டுகிற சீரம், தலை ஸ்கால்ப்புக்கான சீரம் என கடைகளில் பல வகைகளில் கிடைக்கிறது.
இதில் எது உங்கள் கூந்தலுக்கு ஏற்றது என்பதை தேர்ந்தெடுத்து பயன்படுத்தலாம்.

🧚‍♀️ பாதாம் எண்ணெயில் கூந்தல் வளர்ச்சிக்கு தேவையான அரோமா எண்ணையை கலந்து சில கடைகளில் விற்கின்றனர் அதையும் உபயோகிக்கலாம்.